影片
更多
2016-06-06
7391 浏览
終於約到史蒂芬妮女皇共進晚餐，急急食個飯女皇趕住返工開咪呢！都係我先到，有段時間無黎用膳喇，望望 menu 有無變先，少許變動有加有減，而且無左我其中之一欣賞既鑊仔鮮茄豬扒飯呢。幸好招牌焗安格斯牛仔扒蘑菇飯還有供應。餐前小食先到，餅乾脆條，我一向對餅乾麻麻，因為真係好乾，而且我真係個不折不扣的食肉獸。好重肉桂味既脆條，脆卜卜，係等待其間咬下都好，分散注意力時間都快過一點。Sagira，好重手既西班牙特飲，抵飲易醉。酒味特濃但嚐不出生果味道，紅酒散發微弱甜並不帶澀，滿意。女皇隆重登場，艷壓群芳！白色超低胸裙仔，甚是吸引！我已諗好整個 menu rundown，先 drink 後前菜、餐湯再主菜。燒香蒜蜜糖豬仔肋，無可抗拒鮮豬肉可口，輕輕蜜糖味道泛著燒烤香氣，燋香加上蒜香飄飄，香香香美味極致。質地富彈性又有咬口，並不是散筲筲腍到霉爛，完全水潤 juicy，連骨頭都損到唔肯放口。煮理得宜又高質，大愛！焗香草芝士帆立貝，焗得金黃微燶，好香口呢！半溶濃濃芝士黏黏的配上鮮甜帆立貝，雖然有點 over cook，乾了一點，但海鮮味不錯，滿意。忌廉龍蝦湯，cream 味較重。落足料唔孤寒，大量淡水龍蝦
餐前小食先到，餅乾脆條，我一向對餅乾麻麻，因為真係好乾，而且我真係個不折不扣的食肉獸。好重肉桂味既脆條，脆卜卜，係等待其間咬下都好，分散注意力時間都快過一點。
Sagira，好重手既西班牙特飲，抵飲易醉。酒味特濃但嚐不出生果味道，紅酒散發微弱甜並不帶澀，滿意。
女皇隆重登場，艷壓群芳！白色超低胸裙仔，甚是吸引！我已諗好整個 menu rundown，先 drink 後前菜、餐湯再主菜。
燒香蒜蜜糖豬仔肋，無可抗拒鮮豬肉可口，輕輕蜜糖味道泛著燒烤香氣，燋香加上蒜香飄飄，香香香美味極致。
質地富彈性又有咬口，並不是散筲筲腍到霉爛，完全水潤 juicy，連骨頭都損到唔肯放口。煮理得宜又高質，大愛！
焗香草芝士帆立貝，焗得金黃微燶，好香口呢！半溶濃濃芝士黏黏的配上鮮甜帆立貝，雖然有點 over cook，乾了一點，但海鮮味不錯，滿意。
忌廉龍蝦湯，cream 味較重。落足料唔孤寒，大量淡水龍蝦仔肉，味道清新，爽彈無窮，龍蝦湯浸著龍蝦肉齊送入口，天作之合，美味。
英國波子腸，我喜歡食高質腸、特別腸、脆皮腸、熱狗腸，驚見罕有波子腸梗係即刻 order 啦。
好采 menu 描述夠長盡，知道由牛肉及豬肉混成，這樣就方便一班偏食或有宗教信仰既朋友喇。煎得皮脆肉香，脆卜卜腸皮緊鎖肉汁在內，一咬噴射，肉汁不停滾出來，香濃濕潤又甜美。
腸肉嫩滑彈彈，原味、茄汁、芥辣同樣配得出色。中間既薯餅一絲不苟，外層金黃鬆脆，包住粉粉薯仔肉，香口味濃，好幸福啊！
溫泉蛋煙肉蘑菇卡邦尼扁意粉，刺穿溫泉蛋讓甘甜蛋漿跟卡邦尼汁及扁意粉混成一體，使到醬汁更濃更滑更黏。
緩緩捲上扁意粉緊緊帶著大量卡邦尼汁連煙肉塞入口中，每一條扁意粉都沐浴在卡邦尼懷抱，舌頭完全感受到忌廉滑溜甜美、煙肉嚥韌咸香、意粉彈彈活躍，那有不好吃的理由，食味到拍案叫絕。
黑椒安格斯牛仔扒鑊仔焗蘑菇飯，每一次既 table 18 主角，依個飯真係不得了！雖然跟 menu 張相有點出入，但水準依然殿堂級！
牛仔肉棉棉滑滑，不硬不鞋，載得肉汁滿滿，散發著濃厚美國牛肉味道。香辣微甜黑椒汁包著牛仔肉躺在蘑菇飯上，非常優雅！
忍唔住要狠狠地大大啖食，飯粒飽滿乾爽，香噴噴蘑菇味道及氣味非凡特出，加上高質黑椒汁牛仔肉，極度美味而震撼，非食不可。
今晚既約會完滿結束，我實在太飽喇，還要到銅鑼灣舖頭打點一下先可以返屋企呢！
餅乾脆條
42 浏览
0 赞好
0 留言
Sagira
37 浏览
0 赞好
0 留言
燒香蒜蜜糖豬仔肋
36 浏览
0 赞好
0 留言
焗香草芝士帆立貝
21 浏览
0 赞好
0 留言
忌廉龍蝦湯
17 浏览
0 赞好
0 留言
英國波子腸
23 浏览
0 赞好
0 留言
溫泉蛋煙肉蘑菇卡邦尼扁意粉
28 浏览
0 赞好
0 留言
黑椒安格斯牛仔扒鑊仔焗蘑菇飯
29 浏览
0 赞好
0 留言
张贴
