老厝邊 (已結業)

我係為左芋泥而黎架。7:00到有位，到我走時已經要等位啦。我地叫左滷原隻雞腿便當、眷村紅燒牛三寶麵、超濃芋泥蛋餅、冬瓜檸檬同芋頭鮮奶。滷原隻雞腿便當份量好多，除左有滷原隻雞腿，仲有大量肉碎加蔥、翠肉瓜、滷豆腐、半隻蛋同白飯。雞腿嫩滑，啖啖肉，其它配菜多到食唔晒，好抵食。眷村紅燒牛三寶麵湯底濃郁，有牛根、牛肚、牛腱，都好軟腍，牛根最為出色，好滑。白蘿蔔無渣，亦夠腍。超濃芋泥蛋餅夾住芋泥、芝士、肉鬆，材料好豐富。芋泥幼滑，冇粒粒，成個配搭好邪惡。冬瓜檸檬冬瓜味比較重，清甜又解渴。芋頭鮮奶入面係我鍾意既芋泥，唔係芋頭粒，飲完好飽肚。