巡 蝦滷粉皮 (翠屏花園商場) (已結業)

朋友話大埔買菜平，所以放假同屋企人過去。買餸期間見到呢間舖頭，有雞、滷味、凍肉等等唔同嘅嘢賣，所以就決定買啲嚟加餸試吓啦。同屋企人商量咗之後，叫咗蝦滷豬手、豬腸同牛展。佢哋嘅味道同一般滷水唔同，屋企人話有一種麻油香，我覺得係比較甜，味道特別，好值得一試！底部鋪咗啲豆腐，都好入味，但又唔會太鹹，送飯一流。另外仲試咗蝦皮魷魚鬚，即叫即炸，外脆，內鬆化，好重魷魚香，個皮加咗蝦粉，成個味道好特別好好食！重點係食完佢啲嘢唔會好口渴證明冇乜味精，推介！