韓珍 (帝國中心) (已結業)

喺尖東返工咁耐都未食過呢間韓國野，今日決定試下。帝國中心唔算旺，所以啲食肆舖位都相對大間，有2間茶樓，不過近呢年因為限聚令都無嚟飲茶了。韓珍裝修都唔錯，檯同檯之間唔會太近，不過由於有做韓燒，個爐有啲頂腳，坐得唔太舒服🤐。好耐無食人參雞，見HKD98仲有鮑魚好似幾吸引就order咗。先嚟嘅係前菜三款，腸仔，薯仔唔太吸引，過多2分鐘主菜都到，好有效率👏，客人好多我估唔到咁快就有得食。嚟到見到有少少驚訝，面有蛋絲😮，未食過人參雞有蛋絲，反而見唔倒menu 寫嘅鮑魚，食食下先喺底搵倒，鮑魚都幾大隻😊，有鮮甜味😋，另外都有調味，再食落去又有啲發現，有栗子，其實未見過人參雞有栗子🤨，呢個主菜同平時食開嘅好唔同，用料真係好豐富，而最唔同係無人參味。