Billidart Restaurant & Bar (已結業)

Item: Billidart Restaurant & Bar
Rating: 3
Author: 奧志雷

57 食记

味道

环境

服务

卫生

抵食

3335

湾仔

$101-200

多国菜酒吧

奧志雷

等级4

2.1K

又再一次重遊舊地，您在那啊？係度做緊咩呢？記得 101014？記得史迪仔嗎？

返完舖頭曉廚軒打點好一砌就自由活動喇 ﹗又走去滅的先，晨早抵達又包場，任打 ﹗雷史棋隊遠征灣仔探的神 ﹗lift 口貼滿寶麗來照片，捉緊歡樂時光 ﹗有 American Pool、有鏢掟、有 beer pong、有挑杯、有飛碟，好多新奇玩意呢。今晚飲紅酒算喇，希望啦，哈哈。

過海飲藥水都預備攬炒齊齊爆，三英戰的神，飲夠返屋企瞓覺，我地老遠係大埔出黎同您死過 ﹗爆完可以再爆，連環爆破 ﹗先黎杯 margarita 濕濕口先，之後紅白酒、shooter 唔少得啦 ﹗得四條麻甩好悶既，試下 BB 得唔得閒啦，幸運地附近收工又無約，非常好 ﹗BB 居然唔識由銅鑼灣行過黎，最終醉醉地的我花了 30 分鐘先接到佢呢。

今晚難得老陳係附近放工，今次試試四皇衝去突擊的神先，誰知居然放假，突擊完全失敗呀 ﹗又比佢走甩左添，哈哈。每人一支雪茄嘆一嘆，呼出鬱悶與怨氣，爽乎 ﹗呼出煙圈，您記掛著誰？每 round American pool 飲 1 杯紅酒，連飲四五杯搞到我都斜斜地。Game 2 玩飛鏢繼續飲 ﹗Round 1 American pool、Round 2 飛鏢，到最後 final round ﹗齋隊不停 shoot，痴左線咩 ﹗又劈到天昏地暗斷晒片！誰來救我？有黎多 shoot 的奇拿 ﹗

巴馬火腿脆條，唔多欣賞，口感乾爭爭，巴馬火腿咸香油潤但乾身，脆條餅乾當然更乾啦。巴馬火腿配多汁水果蔬菜就最好味啦，厭要切水果麻煩又儲存得唔耐，咪捲蔬菜囉，簡單易做又快捷。例如西芹、甘筍、青瓜、等等，諗起都想食呀 ﹗

炸雞軟骨，厚厚的炸粉包到實一實，成粒苞芙一樣，唔講唔知係雞軟骨啦，隱藏得非常出色。軟骨卜卜脆食得過癮，我個人食炸食物唔喜歡炸粉厚疊疊囉，所以分數大跌，味道都唔錯，用手食滿手都油了。

炸魷魚鬚併炸蝦，又係我最最最討厭既外購炸蝦，厚厚炸粉加上粗麵包糠，炸到又硬又刮嘴，粗麵包糠刺一樣。炸粉份量遠超過蝦仔，完全被淹沒。炸麵包味濃而強烈，蝦仔味？唔知食緊蝦。炸魷魚鬚掂 ﹗薄薄鬆化炸漿黏附於魷魚鬚上，並不是硬脆型炸漿。魷魚鮮味搭上醃味可口，又富彈性，堅好食。

酥皮芝士焗田螺，有諗頭，夠好特別 ﹗外形美觀得體而吸引，酥皮捲成一個水泡形狀，放入芝士再田螺。酥皮焗到金黃鬆化，牛油非常濃厚而突出。芝士味強烈，酥皮味霸道，好味 ﹗可憐田螺太細，趙落存在感薄弱，有點喧賓奪主呢。

焗單骨雞翼，甜甜的燒汁幾好味，雞皮都滑滑彈彈，最衰我對甜味不太喜歡。單體反肉焗雞翼雖然賣相有趣，其實打開雞中翼黎煮，肉汁始終會流失一點、揮發左一點呢，肉質會較乾啊，所以用燒汁黎補一補濕都正確既。

德國咸豬手，質地結實似燻蹄多過咸豬手，外皮略脆而沾有少量油脂及膠質，算做得唔錯。咸香配芥辣麻麻地，配甜豉油會較好食，合格。思羽 BB 未坐低已經話極肚餓，得得得，稍安無燥，即刻餵飽您。今餐 $4000 蚊落樓，都唔記得飲左幾多野咯。