影片
更多
2017-06-28
1697 浏览
經朋友介紹之下黎到中環一帶食晚飯因為身住九龍工作又在九龍關係, 一般平日都比較少黎中環呢頭, 不過因為朋友介紹呢間出名食火鍋既台式火鍋店, 今晚特意同男朋友黎到呢度一試究竟. 其實旺角都有分店, 不過我就貪中環區感覺食飯感覺會比較靜d同舒服d, 所以就book左呢間, openrice宜家既訂座services真係做得幾好, 連book位都唔使打電話了~ 而且清楚列明左幾時會有85折, 真係好設合香港人咩都中意快同清晰既服務!位置唔算好近地鐵, 如果以OPENRICE既位置行真係行到hi hi~自己覺得由中環地鐵站D1出口出, 向A&F果面行上雲咸街, 一直鏟上藝穗會不久就會行到, 台頭一望就會見到好大個"撚"字, 相對好行過由籣桂芳上... 一出電梯已經聞到陣陣火鍋既材料味! 真係好香~令人一行入去已經開始餓起來設計方面一出門已經有大大個兵馬俑先生歡迎你! 入面都有d細細既小兵馬俑先生嫁! 裝修感覺都好中式. 真係估唔到平日晚上時間中環既呢間火鍋店會full晒!同男朋友急不及待叫鴛鴦湯底 – 祖傳秘製麻辣鍋 & 蜂巢豆腐白湯鍋, 2款都係招牌湯底紅白湯底形成強烈對比!白色既係白湯鍋,
因為身住九龍工作又在九龍關係, 一般平日都比較少黎中環呢頭, 不過因為朋友介紹呢間出名食火鍋既台式火鍋店, 今晚特意同男朋友黎到呢度一試究竟. 其實旺角都有分店, 不過我就貪中環區感覺食飯感覺會比較靜d同舒服d, 所以就book左呢間, openrice宜家既訂座services真係做得幾好, 連book位都唔使打電話了~ 而且清楚列明左幾時會有85折, 真係好設合香港人咩都中意快同清晰既服務!
位置唔算好近地鐵, 如果以OPENRICE既位置行真係行到hi hi~
自己覺得由中環地鐵站D1出口出, 向A&F果面行上雲咸街, 一直鏟上藝穗會不久就會行到, 台頭一望就會見到好大個"撚"字, 相對好行過由籣桂芳上...
一出電梯已經聞到陣陣火鍋既材料味! 真係好香~令人一行入去已經開始餓起來
設計方面一出門已經有大大個兵馬俑先生歡迎你! 入面都有d細細既小兵馬俑先生嫁! 裝修感覺都好中式.
真係估唔到平日晚上時間中環既呢間火鍋店會full晒!同男朋友急不及待叫鴛鴦湯底 – 祖傳秘製麻辣鍋 & 蜂巢豆腐白湯鍋, 2款都係招牌湯底
紅白湯底形成強烈對比!
白色既係白湯鍋, 湯底係以大量豬骨 & 忌廉牛乳製成, 湯底入面竟然有原條人蔘 & 大量當歸片, 湯頭入喉真係好香好濃郁! 飲湯既時候不時都會搵到當歸片, 味道帶點回甘, 我自己超中意
湯底滋陰養氣, 連男朋友仔都大讚呢度個湯底好正! 不停係咁飲而且呢度有別於一般火鍋店, 呢度係加湯而唔係加水, 就算食得耐湯底都唔會變淡! 超正~~~~
紅色既係麻辣鍋(小辣), 有些少辣但味道唔會過份灼喉, 香料味很足. 中意刺激同重口味既人不妨叫下大辣, 味道唔錯的!
鴨血&豆腐係呢個鍋物既重頭戲, 豆腐係蜂巢豆腐, 口感比一般既滑豆腐來得更有質感, 豆腐吸收左湯底既味道真係超好食鴨血算係台灣火鍋既名菜之一, 台灣人打邊爐必定有既食材之一~ 相對香港就比較少食到, 鴨血超級大塊的! 而且好有UN度, 食起上黎帶些比口感的, 同豬紅既口感好唔同, UN UN地~ 而且冇血腥味, 唔錯!!
最重要係如果叫祖傳秘製麻辣鍋 & 蜂巢豆腐白湯鍋的話, 鴨血豆腐係無限添加的! 不過要珍惜食物, 唔好嘥野, 食得晒先好嗌!
其實2個湯底都各有特色, 而且都好夠味道, 所以事先準備既醬油都不能大派用場了~ 單單呢2個鍋既味道已經好足夠~ 難怪係呢間店既招牌湯底, 已經冇得輸!!!2個人不知不覺叫左好多野, 放到成張枱都係
堂食打邊爐會送夜明珠!!!4位以下”六明珠”
5-6位”八明珠”
7位以上”十二明珠”
我食既係奶皇, 朱古力 & 蜜瓜奶
其實有幾粒睇唔到係呢色, 所以食之前好似有D抽獎既感覺, 唔知自己食到呢野味呢?!?!?!(好刺激既感覺)
呢個水晶珠珠就好似係爆漿丸子咁, 咁岩食到呢3粒都係甜既, 估唔到又幾有驚喜!
水晶皮做得好薄身, 而且有少少爆漿感覺!!~~~~
3粒當中最中意朱古力, 入面好似食緊榛子朱古力咁, 糖得黎唔太過份, 真係未試過打邊爐係會食甜食的
不過煮就比較考功夫, 因為太耐水晶珠就會爆左, 太快入面個心又唔夠熱,
奶皇味果粒就係太快食所以冇流心感覺, 本身我係個好中意食奶皇既人... 真係好可惜, 如果唔係一定更好味!!!
雖然夜明珠係送不過絕不馬夫, 好味道!
呢度既火鍋食材真係好新鮮而且十分乾淨! 主點介紹某幾款食材, 個人覺得係必食的!
極品安格斯肥牛(小) $148賣相真係相當之吸引! 脂肪肥美度好均勻的, 灼到岩岩好已經足夠, 口感好軟熟而且唔會有過份肥膩/太瘦既感覺~唔錯!
鮮牛黃喉 $78出面好少有既火鍋材料, 份量都幾多而且真係好新鮮的, 好爽口既口感形容相適合不過
黑柏葉 $68毛神神既外形但食落一d都唔毛神神, 相當新鮮所以咬落好爽脆, 一般出面都比較細塊但呢度好大塊的! 所以落左鍋唔怕搵唔返佢!! XD
鮮甜桂花蚌 $92桂花蚌色澤好有光澤, 新鮮程度已經唔使再講喇!! 唔係冰鮮既桂花蚌, 所以食落好鮮甜而且好有口感, 脆身得黎好有咬口~ 好吃到一個點! 個人推介必食之一
出面真係好少有咁香濃既湯底, 就算煮上娃娃菜已經好夠味道, 食材唔使再點醬料已經好好食了
竹蔗茅根紅蘿蔔馬蹄水 $68足料飲品, 甜得黎唔會太過份, 唔係加左糖既效果, 打邊爐飲返呢d飲品令自己冇咁大罪惡感
最後已經食到好飽了! 職員仲送上一個小甜品, 以秦朝皇宮既酒杯造形放上枱面~真係好得意!
又係不自覺要相機食先 XD
一飲之下原來係腐竹糖水沙冰, 淡淡豆腐香而且不會過甜, 入喉好舒服, 為今餐劃上完美句號
火鍋撚原來仲有特別優惠的! 星期一至日7:30 前結帳/離座 或 10:45 後入座都有全單85折, 下次可以同朋友一大班人黎呢度食! 多人打邊爐會食到更加多款, 更抵食!!!
题外话/补充资料：
1) 星期一至日7:30 前結帳/離座 或 10:45 後入座都有全單85折
2) 如惠顧祖傳秘製麻辣鍋 & 蜂巢豆腐白湯鍋可無限續添鴨血豆腐! 不過請大家珍惜食物, 唔好嘥野, 食得晒先好加!
(以上食记乃用户个人意见 , 并不代表OpenRice之观点。)
张贴
