探花 (已結業)

平日星期6，日与父母饮茶，或者食点心店，但比较少食高级点心，餐厅环境好舒服，每枱之间空间好足够，讲野大声少少都唔惊。今日食既点心好多都与「红」有关，与红米红虾结下不解之缘，红米肠粉，西班牙红虾水晶饺、红虾多士。红虾多士以前茶餐厅多有虾多士这个点心，而家茶楼已经唔多见，红虾多士，成只大虾放上去，唔只单单系虾胶，可以算是超足料个汁更加特别，用蕃茄，虾壳，白兰地做成既酱汁，汁充满虾精华，令多士更重虾味。红米肠粉红米水浸既肠粉皮，入面包左米纸，再加虾胶系里面，夹有少量蛋黄，其实好有层次，一层又一层唔同口感。肠粉皮滑，虾胶弹牙，再用少量蛋黄做多层口感同味道。西班牙红虾水晶饺红色既虾饺，颜色夺目，其实味道几好。隔离更配有原只西班牙红虾，食得好滋味。凤梨樱花虾炒饭继续同红色结下不解之缘，红红既饭，里面有蛋白，凤梨、樱花虾。夏日炎炎，凤梨真系好岩食架。又消暑，又醒胃。烟熏素鹅苹果木做出烟熏味，即使系中间，素鹅里面，一样有重重烟熏味，里面系萝卜，等等。睇得出刀工手工，料唔会掉出来。系外层腐皮，都可以切得咁靓。鲍鱼挞一见到两只鲍鱼，即刻开心晒，两只鲍鱼金箔下有啲杂菜同埋蘑菇同埋即叫即焗，味道好唔错，好奢华