臺北棧 (形點 I) (已結業)

我地先叫一個小拼盤，有幾款小食，臺北棧夜市拼盤，我好中意佢地既甜不辣，好有口感，好爽彈，佢地既花枝丸都好香墨魚味，又夠晒彈牙爽口，仲有百頁豆腐都好脆，真係食到一層層，非常唔錯(^з^)之後再share佐一個櫻花蝦麻辣魯肉飯，一上枱就見到滿滿既櫻花蝦，脆脆地又咸香，魯肉係半肥瘦豬肉，好香嫩，味道好濃，珍珠米都好軟熟，成碗飯都好掂，連溏心蛋都好流心好香呀（≧∇≦）飲品既木瓜牛乳仲有芭樂苦瓜汁都係正宗台灣風味，我瓜牛乳就夠晒濃滑，食到木瓜肉，仲有牛乳既細滑，成杯都夠晒稠，好足料，而芭樂苦瓜汁就爽甜啲，有苦瓜既微苦加清香，亦有芭樂既清甜，兩杯都各有風味都樂飲(´▽｀)