辛手村 (已結業)

提起麻辣鍋，大家諗到嘅都係比較傳統中式店舖。今日同朋友經開旺角黑布街， 竟然見到一間貌似Cafe嘅店舖，主打竟然係麻辣鍋！咁獨特，即刻同朋友試一試🥰.叫咗「唔想諗．即刻食」二人餐，有齊干鍋、串燒、飲品、甜品，都係$498/2位.黑松露麻辣干鍋干鍋本入邊有齊三種配料，包括蓮藕、土豆、娃娃菜。另外可以自選多四款配菜，點叫咗肥牛、 魚腐、雞軟骨、秋葵。 黑松露本身特有香氣，並唔會蓋過麻辣鍋本身嘅辣味，兩者味道融合得啱啱好！每款配料沾上黑松露味道，入口又有香辣感覺，我同朋友都食到停唔到口😋.串燒揀咗岩燒厚切牛舌心、川燒秋葵、辛手雞肉軟骨棒、蜜糖爆蒜雞翼串四款。串燒燒嘅火候啱啱好，不乾不柴，外焦內嫩。特別鍾意岩燒厚切牛舌心，爽口彈牙！辛手雞肉軟骨棒中間嘅雞軟骨好有口感！.飲品荔枝烏龍冰茶唔會好甜，淡淡荔枝清香。芭樂烏龍冰茶好清新，解辣一流👍🏻.甜品食完辣野最好緊係食返碗冰粉解辣，柚子味下好清新😆