夢工房西日料理 (已結業)

今日早上去完葵芳運動場做運動，做完又好鬼肚餓，想食任食放題，近近地去左葵芳地鐵站一出就係嘅夢工房西日料理。好幾年冇黎食過，裝修風格唔同左，依加感覺好新潮，座位又多又闊落，每張枱上面仲有個電磁爐。野食選擇好多，真係西式日式都有，例如 刺身，拉麵， 煎羊架，炸餃子。飲品種類一定勝過市面上好多放題鋪頭， 有足足4個雪櫃裝唔同嘅飲品，連枝裝解茶都有。刺生幾鮮甜，份量都好足，唔似其他咁會偷工減料。特別欣賞象拔蚌刺身，平時放題好少有👍 見到枱面上有個電磁爐，貪得意點左個火鍋黎食，點左日式壽喜燒湯底，各種配料都好新鮮，仲好過係某d 快餐店打邊爐。仲有各種炸物，都好香脆可口，例如軟骨餃子， 香蕉年糕等等，應該係即叫即炸，值得一試！成餐最令人驚喜嘅係羊架，一啲都唔”鞋” ,唔蘇，煎得好香好好味，再加上d 肉汁流曬出黎。令我忍唔住叫多幾碟黎食👍👍如果仲食唔飽仲可以加錢食埋雪條， 種類非常多，有香港品牌又有韓國品牌，任君選擇。