影片
更多
2018-08-26
90 浏览
朋友發掘到蒸鍋小店，即刻約我地去刷返餐，皆因四人有椰汁燕窩送喎~ 食海鮮蒸鍋，我第一時間say YES！！本來想訂聽日第二日食，點知full晒，最後book左五日後……平時最鍾意食海鮮，特別係熱嘅海鮮(生蠔要凍食除外啦)，咁先夠鮮味！如果海鮮係靚係新鮮，咩調味料都唔好落，就咁蒸就最好，保留原汁原味。餐廳地點唔係旺角、尖咀，而係新蒲崗，OK 我地班為食鬼，為左食，去幾遠都唔係問題。餐廳近Mikiki商場，算係幾易搵。主要有兩個餐，按人頭計的，$198或$298。另外仲有個$688，不過要預早訂先有，即係今日唔駛諗。店員詳細介紹兩個餐，首推$298餐，但就算客人堅持揀$198佢都有笑容，冇黑面。佢話亦都可以部份人食$198部份人食$298嘅，不過一場嚟到，梗係全體食$298餐啦~好快啲粥底材料就嚟到，落鍋蒸住先！跟住係第一碟海鮮：越南貴妃蚌大隻又多汁；翡翠九孔鮑魚新鮮彈牙。深海龍躉片大大片，魚肉唔易散。紐西蘭蟶子皇，呢個size我又唔多覺得係蟶子皇，全部海鮮之中呢個最失色，不過都係鮮甜嘅；青口一般啦！到第二碟海鮮：泰國海中蝦比平時食啲海蝦彈牙啲，亦有好多蝦膏。澳洲青年龍蝦龍蝦肉大大舊有膏
平時最鍾意食海鮮，特別係熱嘅海鮮(生蠔要凍食除外啦)，咁先夠鮮味！如果海鮮係靚係新鮮，咩調味料都唔好落，就咁蒸就最好，保留原汁原味。
餐廳地點唔係旺角、尖咀，而係新蒲崗，OK 我地班為食鬼，為左食，去幾遠都唔係問題。餐廳近Mikiki商場，算係幾易搵。
主要有兩個餐，按人頭計的，$198或$298。另外仲有個$688，不過要預早訂先有，即係今日唔駛諗。店員詳細介紹兩個餐，首推$298餐，但就算客人堅持揀$198佢都有笑容，冇黑面。佢話亦都可以部份人食$198部份人食$298嘅，不過一場嚟到，梗係全體食$298餐啦~
好快啲粥底材料就嚟到，落鍋蒸住先！
跟住係第一碟海鮮：
越南貴妃蚌大隻又多汁；翡翠九孔鮑魚新鮮彈牙。
深海龍躉片
大大片，魚肉唔易散。
紐西蘭蟶子皇，呢個size我又唔多覺得係蟶子皇，全部海鮮之中呢個最失色，不過都係鮮甜嘅；青口一般啦！
到第二碟海鮮：
泰國海中蝦比平時食啲海蝦彈牙啲，亦有好多蝦膏。
澳洲青年龍蝦龍蝦肉大大舊有膏，唔錯。
越南頂角膏蟹蟹對於我嚟講，係今晚主角，超大隻，門口個玻璃缸裝住，隻隻都眼仔碌碌。可以揀軟膏或者硬膏，我地揀左硬膏嘅越南頂角膏蟹，啲膏好似咸蛋黃咁，真係好爆呀。蟹肉甜，夠嫩滑，餐廳建議個蒸煮時間真係啱啱好，perfect！
有機蔬菜籃幾款蔬菜蒸完保留原來甜味，比起烚菜更好味。
跟住就係食粥喇，精華所在。幾鮮甜，但就唔係好夠綿，煲多陣會好啲。
四人先會送嘅椰汁燕窩，椰汁夠香，有啲碎燕，算係咁啦。
事實上 同樣嘅海鮮同樣嘅價錢，我自己去街市都買唔到咁平，仲要自己唔識揀到咁靚野(叫街市佬揀成日被搵笨)，真心覺得超抵食。不過人手唔多夠，好多野都要自己蒸囉，冇辦法。但下次食蒸海鮮，都係嚟呢度啦，唔駛喺屋企攪一大輪！
张贴
