上海婆婆 (已結業)

綠陽越開越多連鎖食店, 好多時都黎呢度開餐, 因為泊車方便又無碼頭果邊咁多人, 等位時間仲可以睇下旅行社.而家上海婆婆都開埋, 可以轉陣黎呢邊食, 唔洗再去荃新天地咁多自由行.婆婆黃金四季豆, 外面滿滿既咸蛋黃包住每條四季豆, 咬落爽口唔咸, 咸蛋黃香非常惹味 .黎得當然要食小籠包, 呢度既皮都夠薄, 包頂唔會太厚太乾太硬. 餡料肉質嫩滑，湯汁亦充足, 一咬肉汁響口中四射.酸辣湯比較稔身, 有D似碗仔翅既質感. 配料夠多又大碗, 辣度夠唔算太酸, 飲完好開胃.腰果雞丁, 腰果好爽口, 唔會林晒. 雞丁肉質幾滑唔韌, 個汁唔太咸, 撈飯食唔錯.