阿爺燒鵝餐室 (已結業)

近來疫情嚴峻，都多咗係屋企食飯，買餸一次過要買大量，燒味就係好幫手了！今日幫襯左大圍呢間阿爺燒味餐室，新鋪落地，紅紙都未滅，買咗一斤阿爺叉燒（ $130 ）同埋一斤脆皮腩仔（ $130 ）返屋企食。師傅即叫即切，兩樣都香噴噴，腩仔個皮脆卜卜，半肥瘦，肉質都OK。叉燒厚切啖啖肉，蜜汁晒入去好正， 有咬口得來又夠腍，一斤原來都幾多。等外賣嘅同時見到有唔少客黎問仲有冇燒鵝，不過可能時間太晏已經賣晒了，下次有機會黎真係要試吓先。