養心殿台式養生鍋 (已結業)

自從轉咗工之後，已經有一段日子無同大家見面😌 雖然係咁，今晚出到嚟大家又似乎一啲階生感覺都無👀 反而大家仲有傾有講、仲不時提起當年嘅烏龍事... 諗起都疼😅為咗引開大家嘅注意力，都係先叫咗嘢食先😚 每次嚟養心殿，我多多少少都係為咗個麻辣鍋😋 單係鍋裡面嘅千層豆腐、鴨紅，已經可以食到我半飽😅 不過我又點會放過枱上面嘅食物吖... 尤其係我嘅至愛牛肉、響鈴、黑松露蝦丸🤩 牛肉🐮味濃、響鈴脆卜卜、蝦丸內藏有露松露粒，口味好特別😋今晚最令我大開眼界嘅你估吓係乜嘢？登登... 係我面前果碟厚切炸午餐肉... 平時我一定唔會叫嘅食物😄 三推四請之開我終於夾咗一件落碗🤩嘩 原來同麻辣鍋係咁夾味㗎🥳 唔怪得大王食完一件又一件啦😅🤣 不過今晚實在叫得太多飽肚嘅食物，炸芋頭、豆皮、粉條樣樣齊... 我個肚就爆喇🤣🤣