影片
更多
2013-02-27
634 浏览
每次想食Ebeneezer's嘅清真食品, 都必定到黄金海岸呢一間, 因為呢間地方較寬倘同坐位舒適, 但部份侍應嘅服務態度就不敢恭維啦! 尤其嗰位長髮四眼嘅女仔...仲記得舊年光顧時, 我哋一邊點食品, 個女仔不但冇用紙寫低, 仲一邊收起我哋嘅Menu, 然後一粒聲都唔出就走開!上星期日又嚟食Ebeneezer's, 但我哋唔再叫嗰位長髮女侍應, 費事又掃興! 實在太喜歡食呢度嘅沙律, 尤其係希臘沙律配燒雞肉, 除咗有大量新鮮蔬菜, 好香口嘅燒雞肉, 大大粒水牛芝士, 仲有嗰兩種醬汁, 好配合呀!因為今次得兩個人到嚟食, 所以只ordered多一個印度咖喱炒飯, 個飯用正宗印度米, 米身長長幼幼, 炒得好乾身, 但雞肉依然保持嫩滑多汁, 又不太辣, 亦都係我嘅至愛。 ~希臘沙律配燒雞肉 $58~印度咖喱串燒雞炒飯配沙律 $56 此外, 呢度嘅卡巴丶炸魚薯條丶咖喱羊肉都有唔錯水準, 基本上有頗多選擇呢! 埋單時, 我哋至知道早排有好抵嘅Groupon賣, 但已售完好耐, 所以, 我下次一定要留意!
上星期日又嚟食Ebeneezer's, 但我哋唔再叫嗰位長髮女侍應, 費事又掃興!
實在太喜歡食呢度嘅沙律, 尤其係希臘沙律配燒雞肉, 除咗有大量新鮮蔬菜, 好香口嘅燒雞肉, 大大粒水牛芝士, 仲有嗰兩種醬汁, 好配合呀!
因為今次得兩個人到嚟食, 所以只ordered多一個印度咖喱炒飯, 個飯用正宗印度米, 米身長長幼幼, 炒得好乾身, 但雞肉依然保持嫩滑多汁, 又不太辣, 亦都係我嘅至愛。
~希臘沙律配燒雞肉 $58~印度咖喱串燒雞炒飯配沙律 $56
此外, 呢度嘅卡巴丶炸魚薯條丶咖喱羊肉都有唔錯水準, 基本上有頗多選擇呢!
埋單時, 我哋至知道早排有好抵嘅Groupon賣, 但已售完好耐, 所以, 我下次一定要留意!
题外话/补充资料：
今次, 我哋發現嗰位長髮四眼嘅女侍應, 原來可以滿口流利廣東話, 但上次見佢就全場英文, 就算有客人用中文問佢嘢... 真騎呢又太過份啦!!
(以上食记乃用户个人意见 , 并不代表OpenRice之观点。)
张贴
