饕鍋物 (已結業)

同事果然無介紹錯👍🏿$188 半放題，主因認為可以保持高質素水準。雖然個煲唔係任食，但丸類、菜肉類都係無限添加，特飲加10元無限添。男人老狗都唔太好甜，但前後點了3杯Pandora's Box，雖然雙色珍珠味道不太大分別但真係超級有𡁻口，酸酸地又不太頂肚，特長蟹棒肉質鮮甜，冇乜雪味。日本蘿蔔苗一張枱得一客，分量唔多，同溫室豆苗味道差不多但香草味濃郁得多！相信唔係人人都鐘意呢種味，但我個人就buy。