龍城冰室

营业中

休息中

好耐都冇食過港式味道鐵板餐。網上翻查資料，見到旺角#龍城冰室 評價唔錯，決定就黎呢邊試試。餐牌選擇眾多，種類有煎炒煮炸煲等，連小菜都有。鐵板餐都系$100左右 ，特飲都只係加$9。招牌鐵板黑椒牛柳配黑椒汁 $118牛扒係好淋身， 7成熟加黑椒汁，味道更勝一籌，呢度嘅扒都係淋身有口感，仲包埋餐湯，餐包，鍾意食淋身扒一定唔好錯過！鐵板照燒鰻魚雞扒$108雞扒相信燒左一陣，不過肉質都仲好嫩滑，而且大大件勁抵食，唔食牛嘅朋友都絕對推介，仲有塊鰻魚食!!雜果冰+9紅豆冰+9 店家坐落於旺角鬧市區域，座位寬闊，坐得舒適，百零蚊食得好飽，晚市時間已經開始滿座，好快就現人龍，預留時間等位。