影片
更多
2018-01-17
1372 浏览
一行六人相約去銅鑼灣食私房菜，主要被它們嘅佛跳牆宴吸引，6人就成團每位$418, 當然亦可選12人或以上每位人頭$398。講翻今晚已約左一段時間，因為大家工作忙家庭亦需要多陪伴，所以現在會好珍惜，食物亦有所要求。今次係由一個朋友安排的，食私房菜可以傾下計食吓靚餸。今次被佢地吸引係佛跳牆套餐，慕名而來的！先上枱的冷盤，香凝月影四醉拼，連改名都好憂雅，四醉包左醉雞，醉豬手，醉鴨舌同涼伴雲耳。我最鐘意係醉豬手爽脆彈牙味道剛剛好，其次係醉鴨舌好食到食原完再食，而醉雞就啖啖肉無骨的酒香撲鼻，另一冷盤雲耳過濃味偏鹹，四樣口感都係冷同爽口的！北海道帶子和風稻庭烏冬 粒帶子唔使講一睇就知LL size啦，還煎得金黃剛熟嫩口還滑，帶子下還有蟹子沙律同稻庭烏冬，醬汁自己落，其實醬汁係由芝麻醬撈均食超配惹味。金杯美酒配和風芥末汁海膽桶蠔其實係有杯Apple Cider 跟，食完飲的，賣相超靚肥美嘅蠔上面滿滿嘅海膽同蟹子，一口跟本無可能食得翻，隻蠔好Creamy帶少許蠔香，也是不錯嘅fusion菜，醬汁係用麻醬同山葵調製出來，幾特別山葵竟然唔搶喉！等到主角一人一盅佛跳牆，份量都夠大同好足料，鮑魚，翅，花膠，瘦
先上枱的冷盤，香凝月影四醉拼，連改名都好憂雅，四醉包左醉雞，醉豬手，醉鴨舌同涼伴雲耳。
我最鐘意係醉豬手爽脆彈牙味道剛剛好，其次係醉鴨舌好食到食原完再食，而醉雞就啖啖肉無骨的酒香撲鼻，另一冷盤雲耳過濃味偏鹹，四樣口感都係冷同爽口的！
北海道帶子和風稻庭烏冬
粒帶子唔使講一睇就知LL size啦，還煎得金黃剛熟嫩口還滑，帶子下還有蟹子沙律同稻庭烏冬，醬汁自己落，其實醬汁係由芝麻醬撈均食超配惹味。
金杯美酒配和風芥末汁海膽桶蠔
其實係有杯Apple Cider 跟，食完飲的，賣相超靚肥美嘅蠔上面滿滿嘅海膽同蟹子，一口跟本無可能食得翻，隻蠔好Creamy帶少許蠔香，也是不錯嘅fusion菜，醬汁係用麻醬同山葵調製出來，幾特別山葵竟然唔搶喉！
等到主角一人一盅佛跳牆，份量都夠大同好足料，
鮑魚，翅，花膠，瘦肉，雞肉，冬菇，螺頭同杞子圓肉， 每口湯都好鮮甜，啲肉煲出曬味好濃呀！
咖哩汁大虎蝦
咖哩香味撲鼻每隻蝦都比咖哩汁包住，我用刀叉慢慢品嘗，蝦肉彈牙爽食得出新鮮煮理，不過，建意用手食先可以原汁原味！
黑蒜子上湯介膽
黑蒜絕對係極高抗氧化嘅健康食品，加添在菜蔬同煮較特別，配埋肉碎香菇更加出色，奇怪介膽應有嘅甘味都無反而帶點微甜喎 ! 好多汁兼青脆
東江鹽香雞
雖然係焗但係雞皮其脆無比又唔油膩，而雞肉連骨亦入晒味帶鹹香！ 啖啖肉唔算滑但一d都唔嚡喎
臘味煲仔飯
呢個係我地6人一致都讚好的，原煲由生米煮到熟透，臘肉臘味油香滲透晒入飯，香味撲鼻，再加上鹹香嘅臘肉同飯一齊食真係冬天極品！ 滋味連飯也有油香更加可以食到飯焦添
鮮樂園盤跟石板街雪糕
嘩 好靚又好玩自己寫字畫野 個石板街雪糕有齊杏仁，綿花糖，濃濃朱古力味雪糕！
生果也酸酸甜甜消滯！
张贴
