那個ㄋㄚˋ ㄍㄜ˙ (埃華街) (已搬遷) 新店位置

餐廳位置遠離人煙，門口招牌吸引咗我嘅眼球，抱住好奇嘅心食呢餐，然後帶住驚喜和飽足離開。試左招牌滷排骨便當（$66）加配一條台灣腸（$12）一上菜真係「哇」左一聲，塊豬扒成塊面咁大，厚度眼看約3CM 咁厚。然後夾起塊豬扒再「哇」第二聲，因為仲有一塊係底。雖然好厚身，但塊豬扒唔會嚡口又唔會難咬，處理得好好，味道都唔錯，整個便當唔會太濃味或者太油膩，但真係太大份，我一個大男人食量都食唔曬塊豬扒，飯同其他配料我都剩左一半。餐廳環境都算闊落，但個人覺得音樂有太大聲。