川滿居 (京都廣場)

营业中

休息中

今晚想食酸菜魚，朋友介紹呢間位於京都廣場嘅川滿居。呢度嘅菜式大部分都有得自己揀辣度麻度，連油嘅份量都可以揀，怕辣嘅朋友都食到！ 金湯酸菜魚($188) 我同朋友都唔係好食得辣，揀左BB辣、少油、少麻。試一啖湯，辣度剛剛好，唔太刺激得嚟帶點麻香。魚肉滑一滑，配菜有萵筍、雜菌、薯粉等等，薯粉相當吸味，煙韌彈牙。京蔥羊肉($98) 羊肉片帶點羶香，但又唔會過重，京蔥量足，包起嚟食別有一番風味。大盆花菜($68)椰菜花炒得軟硬適中，同腩肉片一齊炒更添香氣。籐香雞($66)凍雞雞肉嫩滑，配上特製麻辣醬料，絕對係最佳組合。