巴巴串 (已結業)

平時係樓下做開gym ，機緣巧合得知樓上有間任食嘅串串燒放題，佢嘅串燒架仲會自轉，唔使睇火，又唔怕燒燶。聽落覺得好得意，當然想去試吓。串燒放題有三款，仲有得揀無限時，大胃王都唔驚食唔飽。第一次同朋友兩人一齊黎，我地決定試下中價既選擇，坐低冇耐，店員就熱情介紹有寫紙仔嘅熱食提供，出面仲有串燒任拎，亦有前菜，小食，飲品，甜品等可食到飽。店員即刻上咗一大盤肉，仲有一碟油脂豐富既和牛。肉類種類繁多，而且份量都好多，仲有元貝，雞泡魚乾添。串燒架可自轉，燒到金黃色無難度，推介一定要食好甜既菠蘿，爽脆既雞腎，好惹味既黑椒同蒜蓉雞翼，流心既芝士丸，香濃既蒜蓉包，脆皮香甜既棉花糖😃食左好多肉肉，就可以叫返點白灼蔬菜中和下。最後仲可以食甜品，有水果，又有雪糕，仲有小甜點，總有一款啱你。