Burgerman (欽州街) (已結業)

今日可以準時收工,心思思又諗下可以去邊度食好野,好耐無食Burger,上次去 CWB burger room食鵝肝漢堡,食到好失望,鵝肝好細塊又不夠香,食左等於無食。好似Burgerman都有鵝肝漢堡,死心不熄又去試下先。來到深水埗店太約七點,並末算多人,先去收銀處點餐付款,然後就可以安心等食,$18配套餐，有飲品和薯條/薯格/田園沙律,如果想轉番薯條或洋蔥圏就要再加多少少錢,其實這裏的漢堡選擇真不少,例如有黃金海堡(墨魚滑隻+蝦),但我眼見最多人叫鵝肝漢堡~即叫即造的漢堡,香噴噴直叫人流口水。桌上已有醬料、紙巾、餐具及膠手套，食起來更盡興。等左大約五分鐘,就有得食拉~鵝肝漢堡size都幾大,麵包烘得脆口~牛肉不會太乾過熟,一路食一路滴肉汁,好好味,而鵝肝頗大件,煎香兩面後油脂香味好濃~一口咬下和牛肉一齊口腔充滿肉香油脂香,令人無法抗拒一口接一口,加上黑醋汁酸酸地更開胃。不怪得有米芝連推介~如果芝士溶一些就更好~令人驚喜的更有番薯條,炸得外脆内軟又不會太乾,番薯條有着天然的甜味,加上店裏自制的醬,帶少少酸酸辣辣味道,令人不其然食完所有番薯條也不感油膩。