「叫自己做馬來餐廳，但餐牌大部分都係港式茶餐廳食物。」我心想，隱隱有份被騙的感覺。
路過呢間馬華餐廳，見到門面同店舖頗為懷舊，又見寫住馬來食品，就二話不說入去食返個下午茶。
入去坐低望望餐牌，卻心中不禁暗叫有伏。
睇真啲，其實除左貴刁同海南雞飯，無乜邊樣係真係馬來食品。而且呢兩樣食品周圍都係，算不上馬來專屬。
姐姐幫我落完單，好快亦送回單據，呢個時候我再睇，又一大伏！
1
一間普通茶記，閒日（當日禮拜四）下午茶時段都學人加一！
炒烏冬同奶茶終於上枱，奶茶來講普通發揮啦；炒烏冬方面，叫就叫XO醬炒，但食上去只有豉油味濃，XO醬的香口，麻辣就一啲都食不出了。
整體黎講，馬華餐廳裝潢係有特色，餐具都有自己餐廳logo包裝，感覺似走進一間九十年代茶記。
但食物只係普通，而且自稱馬來食品，實在有被騙感覺。
