百樂小館 (已結業)

有係好日子同同事食飯，今日揀左美麗華的百樂。貪佢有一個自成一球的12人台，可以有啲私隱下傾計，真係講老細壞話都無甘易俾人聽到。百樂吃新派潮州菜，個人覺得比較適合年輕上班族的口味。12人桌子被一個球體包圍，自成一角，而且環境舒適闊落，重點是餐廳無限住2小時果啲嘢，真係可以同同事吹水無疆界！開飯前先黎杯功夫茶，爽yy, 令剛收工的我醒一醒神！為一陣大發廢論作好準備🤣先黎個沙律🥗併乳鴿，岩曬怕肥的女同事，又啱晒食肉獸的男同事。食潮州菜又點少得滷水拼盤，樣樣有啲，有夠晒入味，送啤酒一流！大熱天時，人又多，整返個消暑冬瓜盅，一人一碗剛剛好。家常上咕嚕肉，伴碟嘅吹波波，好有心思！唔好以為炸咗嘅魚,就一定係死魚,條魚勁鮮甜,真係估佢唔到！水瓜原來幾好食，個人少食，幾特別炒埋啲粉，食埋碗糖水，畫上完美句號，一餐開開心心吹水飯又食完。總體而言，環境唔錯，嘢食有水準，價錢尚算合理。