LM Cafe (已結業)

約朋友食飯試酒，刻意搵下免開瓶費嘅餐廳，而LM Cafe係眾多選擇中最經濟方面嘅餐廳。我哋星期五大概七點到，當時未係好多人，而環境的確幾寬敞。Menu上大部分都好經濟實惠，五六十蚊都有飯有嘢飲。我哋點咗芝士汁雞扒奄列飯同芝士汁雞扒焗飯，本身焗飯想點豬頸肉但係嗰日咁啱售罄，點咗之後好快就上菜，芝士汁相對淡口，肉同飯嘅份量就幾大好飽肚。頭頭尾尾都坐咗超過個半鐘，又食到嘢又坐得舒服，係一個自帶酒水嘅好去處！