影片
更多
2017-04-10
1573 浏览
$1477/10個人小朋友放復活節長假，大家出來聚一聚，同學仔媽咪介紹呢間，但講到明要等得耐，環境又一般，大家都無問題，仲特別預早啲去到，做頭一批客人，去到熟食市場一樓，地方樓底高，但比較雜亂，每間店前排咗啲摺枱膠櫈，喜歡嘅叫風味，唔喜歡嘅可能一來就走！幾個阿姐在店，見我哋人多在另一邊開張大枱比我哋，地方講真似坐垃圾房前（四圍放滿發泡膠箱、藍膠桶、竹簍）咁由同學仔媽咪發板！食物係等極都唔來，來一個又隔半個鐘先來一個！水吧飲唔更難預算，一個鐘都來唔到！1750坐低叫沙冰，1914先來，睇番我拍攝時間，耐到轉飲品後先到，激到一肚火小食拼盤：好豐富，個船形嘅餐具幾特別，串燒肉嫩，春燒脆口，蝦餅彈牙，雞翼搶唔到！水準唔錯！炸物夠乾身唔油膩！無骨海南雞（1隻）已起骨，雞肉唔夠嫩，略嚡，點雞醬鹹辣，配雞好味！油飯：油飯幾鬆軟，微微黃油香唔膩，好味！可惜到時已無雞可送飯！蝦餅：拼盤唔夠分再叫嘅！賣相幾靚，蝦膠彈牙乾身，外脆內彈，唔沾醬都好味！串燒（半打/3雞3豬）拼盤唔夠分再叫嘅！講咗無牛肉，來到唔熱，雞肉及豬肉都嫩口，沾椰醬幾香好味！馬拉盞炒雜菜：炒出來幾大碟，雜菜款式好多，（蓮藕、青豆角、椰菜⋯
小朋友放復活節長假，大家出來聚一聚，同學仔媽咪介紹呢間，但講到明要等得耐，環境又一般，大家都無問題，仲特別預早啲去到，做頭一批客人，
去到熟食市場一樓，地方樓底高，但比較雜亂，每間店前排咗啲摺枱膠櫈，喜歡嘅叫風味，唔喜歡嘅可能一來就走！幾個阿姐在店，見我哋人多在另一邊開張大枱比我哋，地方講真似坐垃圾房前（四圍放滿發泡膠箱、藍膠桶、竹簍）咁由同學仔媽咪發板！食物係等極都唔來，來一個又隔半個鐘先來一個！水吧飲唔更難預算，一個鐘都來唔到！1750坐低叫沙冰，1914先來，睇番我拍攝時間，耐到轉飲品後先到，激到一肚火
24 浏览
0 赞好
0 留言
無骨海南雞（1隻）已起骨，雞肉唔夠嫩，略嚡，點雞醬鹹辣，配雞好味！
油飯：油飯幾鬆軟，微微黃油香唔膩，好味！可惜到時已無雞可送飯！
24 浏览
1 赞好
0 留言
串燒（半打/3雞3豬）拼盤唔夠分再叫嘅！講咗無牛肉，來到唔熱，雞肉及豬肉都嫩口，沾椰醬幾香好味！
馬拉盞炒雜菜：炒出來幾大碟，雜菜款式好多，（蓮藕、青豆角、椰菜⋯）味就酸辣，反而無馬拉盞嘅鹹香！（咁我唔個每個地方嘅馬拉盞有無分別）味道好味！
咖哩軟殻蟹：軟蟹蟹食咗一件，嫩滑無腥味，黃咖哩幾滑，見到好多蛋花夾雜在咖哩汁內！味道好夾南瓜味，有6件蒜茸包跟上，鬆脆唔韌，不過無乜蒜茸香味，沾汁好味！
31 浏览
1 赞好
0 留言
冬蔭功（細）海鮮都用得幾多，我食咗一隻大頭蝦，但啲肉梅身，魷魚好大塊，鮮嫩好味！啲湯鹹酸味為主，只有少辣（我哋無叫少辣）一般！
蝦刺身：蝦雖然厚肉，不過唔算爽口！無腥味，點泰式辣汁酸辣好味！
螄蚶：好少地方有螄蚶食，呢度嘅幾嫩，味道好濃，點泰式酸辣汁，吊出鮮味，又壓過螄蚶嘅獨特味道！幾好！
鐵板蠔：蠔仔比想像中大隻，而且比得豪爽，嫩口好鮮，但啲蛋太多，芽菜少，味道唔錯嘅！
泰式炒金邊粉：賣相幾好，煙韌好味！
16 浏览
0 赞好
0 留言
24 浏览
0 赞好
0 留言
芒果沙冰：好大杯，個尖塔好誇，芒果味唔算濃，酸酸甜甜，沙冰打得幾滑
椰青：朋友飲
食物其實好味，但等待時間實在太耐，我哋1748坐低落單，但1823先第一樣餸到，但每樣餸相距時間15-30分鐘不等，問店員A，佢好晦氣話要排隊，話一出菜就上菜，我們話我哋第一枱到，排隊咪我們行先喇，佢已經唔理我們走咗，我哋發現上菜嘅次序係唔跟落單嘅次序，店家應該係要儲單，儲夠幾個先一齊煮一齊出！因為我哋後加嘅餸可以早過一開始落單嘅菜色，海南雞到咗，我哋先叫4個油飯，點知雞都食晒，飯都未見，飯到想再叫多半隻雞，姨姨A又晦氣話照排隊架！晦氣到我哋唔加喇！
咁食物之外，飲品又激氣，話說一到就叫了啤酒同芒果沙冰，啤酒就即到，沙冰足足等咗一個鐘都未見，大家都好口喝，又係問店員A阿姐，佢好晦氣話無時間整，無呀！咁都要飲嘢架，咪同佢落單改可樂同椰青，可樂即到，點知幾分鐘後，芒果沙冰突然出場，由另一個阿姨B攞來，大家都打晒突，但來又來3杯（叫4杯）咁都算喇，但椰青就飲唔到，唸住起身去取消時，4個開咗嘅椰青殺到，又係B姨姨，我哋咪講番件事，B姨姨好好人好斯文（佢負責水吧，仲同我解釋太多單，我哋都話唔緊要）問清楚我哋唔要3個（因為其中一個媽咪嘅芒果沙冰無來，轉椰青）咁佢就拎走三個，本來都無事，突然A姨姨殺到，劈頭一句就指責我哋做乜開晒嘅椰青唔要，嘩大家即刻著火，話番佢係佢話無沙冰先叫佢改飲品，佢又唔跟進，最後所有飲品來晒點飲呀？佢即刻唔出聲敗走，之後無再出現！
其實其他姨姨都正常架，係阿A黑口黑面又亂咁講，講完又不負責任，仲要話番客人！呢度我哋預咗等得耐！但唔預受佢啲脾氣！
計數有另外一個C姨姨負責，佢會覆單一次，啲飲品數目如我哋如期錯晒，我們好老實，少咗有更正，姨姨嘅廣東話完全聽唔到，9成餸都要佢重覆幾次先聽得明，唔只我一個，我單！哋係6個大人一齊聽，臨尾都玩下估歌仔！佢態度係好嘅，因為手寫單計數，佢前後計咗三次（佢話老板娘會查單）計好再報數比錢！所以每樣食品嘅數我唔知！
食物再好味、環境差、等得耐都唔係問題，傾下偈時間都過，但服務咁樣好難接受！
差！
张贴
