韓舍 (已結業)

呢排食嘢食得悶悶地，諗起好耐冇食燒肉呢一類型嘅野，想過下口癮，相約朋友黎呢到吃午餐放題。環境夠大，座位亦都非常寬闊，空間感同私密度幾高。電梯一出去就會見到餐廳嘅入口，一望入去就係甜品放題部，非常吸引。沿着甜品部一路直行係熟食地帶，粥粉麵飯麥樂雞薯格等樣樣區齊;再行前d ，燒肉種類多，全部放晒喺餐廳最後嘅角落，唔同類型嘅燒肉都有唔同類型嘅醬汁，令人興奮。攞嘢食開餐：雖然係放題但係質素亦不錯，燒肉肉質鮮甜，熟食中嘅鳳爪更係非常入味。一路食一路見着身邊嘅中學生，突然感到非常之青春，是快樂嘅一頓飯。