樸生•素食 (已結業)

青衣城開咗一間韓式餐廳，餐廳分為兩部份，其中一個部份係素食自助餐，所有食物都排放得好整齊咁樣在一旁，有熟食區，有飲品區，也有湯品。去韓國旅行嘅時候，已經好鍾意食阿豬媽嘅飯卷。素食自助餐之中，最鍾意就係自己做伴飯，拌飯嘅材料可以選擇秋葵、萵筍、粟米、禮物、青瓜、合桃、南瓜粒。 餐牌上面亦都介紹咗點樣製造一個拌飯，可以先選擇一款主要食材，配上白飯，兩款配菜，最後加上飯素，可以隨自己口味，加上麻油和鹽調味，最好玩就係可以戴上手套，自己捏出喜愛形狀呢。除咗拌飯之外，呢度仲有六款炸物同埋煎餅，不過都係以素食為主，味道都唔差，賣相都ok。既然韓式,當然就有湯類啦,呢度呢有泡菜蕃茄豆腐湯同蠔仔紫菜湯。因為係素食嘅關係，所以蠔仔都係齋嚟㗎。