影片
更多
2021-03-22
146 浏览
餐廳：Primo (灣仔)地址：灣仔告士打道170號地舖開咗接近一個月嘅意大利餐廳🇮🇹，依家新開張期間買任何嘢食都有全單八折優惠😍，今次又食pizza又食意粉，平均一個人唔洗$200有找，而且餐廳好有酒吧氣氛🥂，昏昏暗暗傾偈最啱餐廳有個中年嘅女店員好好服務，雖然唔係本地人，但係都能夠聽到同埋講到少少廣東話，無論介紹餐牌定係上菜都一樣咁周到👍我哋兩個人叫咗一個頭盤、一個pizza同一個意粉，都食到幾飽：意式開胃拼盤 $138煙熏三文魚熱帶披薩 $150植物肉醬緞帶麵 $123PS 以上價錢喺未計8折拼盤有煙三文魚、巴馬火腿、莎樂美香腸、香草菲達芝士、青瓜、車厘茄同埋薄片披薩麵包，係一個典型意式頭盤會有嘅食物。薄片披薩麵包喺平時我哋食開pizza嘅皮，整成一個密封口袋形狀，裡面空心，咬開香脆可口，不過面頭就太多粉，有少少食唔慣🤏；莎樂美香腸有陣陣煙熏香，腸衣爽口，食落味道同口感都唔錯；菲達芝士用羊奶去整，味道強烈，鹹中帶有酸乳酪嘅味道，就咁食會太鹹，不過配埋薄片披薩麵包一齊食就會夾啲。呢個拼盤好豐富，可惜朋友要揸車，如果唔係配埋酒一定好正我哋食嘅呢個pizza十吋大，有煙熏三文魚、菠蘿蜜餞
地址：灣仔告士打道170號地舖
開咗接近一個月嘅意大利餐廳🇮🇹，依家新開張期間買任何嘢食都有全單八折優惠😍，今次又食pizza又食意粉，平均一個人唔洗$200有找，而且餐廳好有酒吧氣氛🥂，昏昏暗暗傾偈最啱
餐廳有個中年嘅女店員好好服務，雖然唔係本地人，但係都能夠聽到同埋講到少少廣東話，無論介紹餐牌定係上菜都一樣咁周到👍
我哋兩個人叫咗一個頭盤、一個pizza同一個意粉，都食到幾飽：
意式開胃拼盤 $138
煙熏三文魚熱帶披薩 $150
植物肉醬緞帶麵 $123
PS 以上價錢喺未計8折
拼盤有
煙三文魚、
巴馬火腿、莎樂美香腸、香草菲達芝士、青瓜、車厘茄同埋薄片披薩麵包，係一個典型意式頭盤會有嘅食物。薄片披薩麵包喺平時我哋食開pizza嘅皮，整成一個密封口袋形狀，裡面空心，咬開香脆可口，不過面頭就太多粉，有少少食唔慣🤏；莎樂美香腸有陣陣煙熏香，腸衣爽口，食落味道同口感都唔錯；
菲達芝士用羊奶去整，味道強烈，鹹中帶有酸乳酪嘅味道，就咁食會太鹹，不過配埋薄片披薩麵包一齊食就會夾啲。呢個拼盤好豐富，可惜朋友要揸車，如果唔係配埋酒一定好正
我哋食嘅呢個pizza十吋大，有煙熏三文魚、菠蘿蜜餞、芒果酸辣醬、洋蔥🧅、甜椒、水牛芝士同番茄醬，
pizza整體口感比較清新同plain，食每一啖都有甜甜地嘅菠蘿蜜餞香，中和咗平時pizza好濃烈嘅味道，Pizza邊邊都幾香脆🍕，不過一樣太多麵粉碎
植物肉醬口感同味道同普通肉醬無咩分別，仲唔會好油膩而食到成口油😋，相對仲健康啲添！
緞帶麵幾有咬口，煙韌得嚟比普通意粉粗身同扁身一啲，時不時轉換吓唔同意粉嘅種類都幾好，唔使成日食死同一樣嘅嘢🤪
张贴
