Spring field (已結業)

期間限定自家製咖啡淡忌廉特濃日本雞蛋布丁，雞蛋味道非常濃郁，口感軟滑，接近為烤布蕾嘅口感；咖啡淡忌廉，香甜嘅忌廉喺口腔融化嘅時候咖啡味道就會慢慢浮出尼，喺出面其他餐廳未食過咁特別嘅淡忌廉，所以值得一試；蝴蝶酥，牛油味道香濃，都幾好味。香草牛油蒜香雞翼，雞翼即叫即炸，口感好香脆，肉汁多，加上蒜蓉、牛油、香草味道好香濃，食完一隻之後會好有衝動想繼續食。凍香橙紅茶，味道清甜、帶少少酸，對比起坊間賣開嘅檸檬紅茶飲落酸澀，所以都幾好飲。