$298任食火鍋﹗
湯底係花膠雞湯，真係有花膠同雞可以食
無味精湯底，真材實料煲足5個鐘
飲落去真係好濃郁嘅味道，而且飲完唔會口渴
仲送時令海鮮盤(有5款﹕鮑魚、基圍蝦、蠔、蜆、魚)
同埋頂級牛盛盤(有4款牛﹕頂級牛小排prime、頂級牛肩胛prime、安格斯牛板腱、雪花一口和牛粒)
牛肉好嫩滑，牛味好濃
每一種都好好食
荔枝蝦球可以追加
炸到好香脆，外表、味道都比酒樓食過嘅更出色XD
仲有好多熟食，全部都暖住，夾起果陣仲係暖烘烘好正
台灣腸勁快就無晒
任食區勁多選擇，無論係肉類、丸類、菜同海鮮都有好多款
但淨係食附送果3盤都已經好飽
不過一定要加生菜，花腸雞湯好吸味勁夾
飲品有果汁有茶
自家製烏龍茶夠清新，解膩必飲
冬瓜仙草甘甜好飲
有甜品有雪糕
香港品牌，仲有好特別嘅口味
港式奶茶雪糕﹗好開心﹗
可以無限時任食好難得，位置都好闊
仲要野食都好好味
如果觀塘要聚會嘅話絕對會再嚟依度~
5
