巴巴串 (已結業)

觀塘一向都有好多餐廳，揀呢間串燒嘅原因係「懶」！因為佢可以自動碌熟啲食物，唔使自己處理，都可以燒得好靚！而且非常均勻！ 價錢方面，分咗唔同時段亦都有唔同價位嘅餐，豐儉由人！除咗黃色紙之外，其餘三張都係任剔任食嘅熟食！當中有燒物、炸物同菜類..先上一個拼盤裏面有海鮮、牛、豬、雞泡魚乾😋外場亦都有唔同選擇，非常企理、衛生！除咗碌碌之外亦都有燒網，唔用嗰時就可以叫侍應攞走！燒雞翼同燒粟米一直都係我嘅至愛😬熟食亦都非常精彩！會特別highlight燒蠔，鋪滿金黃色嘅蒜蓉唔腥之餘亦都非常惹味！雪糕方面會係阿波羅品牌！有多款唔同口味，亦都有其他品牌嘅雪條，非常大滿足！