香味屋 (已結業)

數一數手指, 師傅都有好一段時間冇食自助餐, 遇啱師母牛一, 於是就決定黎同佢擦番餐, 而地點今次選擇左呢間餐廳!訂左位準時去到, 坐底後師傅第一時間睇下有咩野食, 繞長一周後都發現有幾多野食, 冷盤有魚生刺身, 生蠔, 壽司, 沙律, 火腿等等, 而熱葷有炒蜆, 東風螺, 羊脾等等, 仲有豬牛雞樣樣都有, 仲有咖哩, 淨係咖哩都幾款, 片皮鴨又有, 仲有龍蝦, 同鮑魚, 魚翅等等, 而雪糕係"哈緊大", 仲有成四款任揀; 呢度真係算各式其或, 應有盡有!坦白講食物質素唔差, 不過要數最差嘅食物, 師傅首推龍蝦, 一樣比較貴價嘅菜式, 竟然係最唔好味, 龍蝦係鐵板燒, 燒得好乾好實, 完全唔吸引, 仲有一樣就係每一次只可以憑枱號去換取一邊龍蝦, 呢個做法師傅覺得似乎小家左d囉!總括黎講食物質素唔錯, 環境就比較熱鬧, 浪漫氣氛就冇, 服務態度幾好, 而價錢唔算貴, 每位三零八, 自助餐黎講都算抵食; 難得師母牛一, 一家人齊齊整整食餐飯, 真係不亦樂乎! 師傅有機會一定會再黎, 笑臉當然值得一比啦!