潮鮮薈自助燒烤專門店 (已結業)

夏天想燒嘢食，但係梗係唔想熱啦，而今晚終於可以試到自助燒串燒，有個爐俾你慢慢燒，仲自己識轉，可以一邊傾計一邊食，唔使掛住睇火都得😂串燒種類有好多，牛柳粒、黑毛豬串、羊肉串，都好好食。拎完串燒，就可以返埋枱慢慢燒喇！除咗自己拎嘅串燒之外，仲有開邊龍蝦，加少少蒜蓉落去燒，勁香！枱面上仲有燒烤指南，加埋你燒幾多分鐘，好細心。食串燒當然唔少得調味粉啦，每台都放好左一堆調味粉俾你揀，可以試足晒咁多隻味！飲品方面，除咗有啤酒汽水任飲之外，仲有梅酒同清酒飲添，真係可以飲飽食醉啦！