牛極 (皇后大道東）

今晚同朋友即興約食飯，就喺公司附近搵間未試過嘅餐廳，見到呢間食日式石燒牛扒🤩🤩，價錢都算經濟。

店鋪係自助形式，首先先購票安排入座，等餐期間可以到自助沙律吧，有沙律、飯同牛肉湯，湯必試！

上餐速度算好快，會原件牛扒連火山石板上，牛扒已煎至一成熟，我建議呢個時候大家要坐定定煎牛扒先，否則好易過熟影響口感。秘訣就係要快手切合適嘅厚度，每面煎幾秒就要夾落碗仔度，咁就可以確保牛肉多汁而嫩肉🤤牛肩排有濃郁嘅牛味，咬落好有質感，推介！