影片
更多
2017-12-23
23789 浏览
家中兩個年輕伙子，不但精力充沛，連食力都特別強勁，上星期才剛去完旅行，吃喝玩樂，轉個頭又鬧著要去吃放題。記得早幾個月同兩隻小鬼去旺角吃日本料理時，留意到同一食廈入面有間韓燒放題店。瀏覽過網上食評，見風評不俗，價錢亦唔算貴，星期一至五 8:45pm 前入座，每位都只係 $198，而且 7pm 前入座仲有買 2 送 1 優惠，就一於拍板來這裡預祝聖誕。餐廳位於創興廣場 9 樓，踏進內，環境唔錯，佈置雖然有點簡單，但地方幾闊落，座位舒適，而且設有大量卡位，很適合同朋友來聚餐。 自助吧檯設於餐廳中間，安頓後，馬上外出走一轉看看。嘩！食物款式好豐富，吧檯對面設有章魚燒機，客人可以 DIY 自己製作章魚小丸子，而旁邊的熱鍋就可以自製韓式拉絲炒年糕。吧檯同凍櫃入面擺滿各式甜點，啫喱、蛋糕、泡芙、曲奇、奶凍，樣樣有齊，而且款款賣相都好精美，色彩繽紛，令人賞心悅目，陣間一定要留肚試勻佢。糕點櫃上面係 Salad Bar，材料幾豐富，有紅腰豆、粟米、青瓜、車厘茄等，轉頭一於動手自製沙律做頭盤。轉彎位有稻庭烏冬、螺肉、枝豆，另外亦有不少壽司同刺身可供選擇。再往前走，雪糕櫃內有 4 款雪糕，包括最受大眾歡迎嘅
家中兩個年輕伙子，不但精力充沛，連食力都特別強勁，上星期才剛去完旅行，吃喝玩樂，轉個頭又鬧著要去吃放題。記得早幾個月同兩隻小鬼去旺角吃日本料理時，留意到同一食廈入面有間韓燒放題店。瀏覽過網上食評，見風評不俗，價錢亦唔算貴，星期一至五 8:45pm 前入座，每位都只係 $198，而且 7pm 前入座仲有買 2 送 1 優惠，就一於拍板來這裡預祝聖誕。
餐廳位於創興廣場 9 樓，踏進內，環境唔錯，佈置雖然有點簡單，但地方幾闊落，座位舒適，而且設有大量卡位，很適合同朋友來聚餐。 
自助吧檯設於餐廳中間，安頓後，馬上外出走一轉看看。嘩！食物款式好豐富，吧檯對面設有章魚燒機，客人可以 DIY 自己製作章魚小丸子，而旁邊的熱鍋就可以自製韓式拉絲炒年糕。吧檯同凍櫃入面擺滿各式甜點，啫喱、蛋糕、泡芙、曲奇、奶凍，樣樣有齊，而且款款賣相都好精美，色彩繽紛，令人賞心悅目，陣間一定要留肚試勻佢。
糕點櫃上面係 Salad Bar，材料幾豐富，有紅腰豆、粟米、青瓜、車厘茄等，轉頭一於動手自製沙律做頭盤。轉彎位有稻庭烏冬、螺肉、枝豆，另外亦有不少壽司同刺身可供選擇。再往前走，雪糕櫃內有 4 款雪糕，包括最受大眾歡迎嘅朱古力、草莓同綠茶等，而且仲可以用雪糕筒盛著吃。而旁邊就有爆谷機同格仔餅機，如果有小朋友同行，一定會玩得不亦樂乎。另外大家亦可以試下自己炒雪糕或者 DIY 自製雪條。
飲品方面，有檸水、檸茶、玫瑰花茶、茉莉花茶、汽水、乳酪汁、酸梅湯、日本清酒等。
繼續前行係熱葷區，有人參燉雞、韓式紫菜飯、韓式滑蛋肉片炒麵、薑蔥雞、咖喱脆薯牛腩棵麥包、重慶水煮魚、薑蔥三文魚骨腩、上湯雞絲木耳羹、京都骨、豬腳薑等。
凍海鮮選擇不多，只有凍蝦同青口，不過兩款都可以任取任吃。接著是炸物區，有原味沙翁、一口三文魚、松果薯丸、咖喱角、麥樂雞、風沙茄子獅子狗、Pizza 等。盡頭係燒烤生肉區，燒物有肉類、丸類、海鮮類、瓜菜類，花款多到數都數唔曬。
立即埋位開餐，刺身共有 6 款，包括三文魚、希靈魚、鯛魚、玉子、鮑魚片、冰山貝、蟹棒，揀咗至愛嘅三文魚，魚肉雖然唔算好豐腴油潤，但食落嫩滑無筋，味道都唔錯。凍蝦水準不俗，夠曬大隻，而且好新鮮，食落爽口有蝦味。
餐廳嘅燒烤爐很特別，四邊設有凹槽位，其中兩邊分別倒入了泡菜湯同人參湯底，店員稱可以用來灼蔬菜或菇類，而忌廉芝士粟米就用來點烤肉。爐邊烤蛋入面放咗泡菜，入口蛋香十足，而且還可嚼到泡菜粒，既惹味又滿足。肉類方面，整體水準都算唔錯，牛肉炙過後，油香豐富；而豬扒入口亦軟腍不肥膩。
其實熱食除了有上文提過嘅人參燉雞等之外，仲有蟹粥同芝麻糊。另外甜品會不停換款式，壓尾試咗呢款雪人栗子撻，賣相好靚，充滿聖誕氣氛，面頭的栗子蓉非常足料，質地夠幼滑，中間嘅海棉蛋糕好軟熟，配埋軟滑嘅忌廉，滋味滿足。臨走前見隣桌點了韓式宮廷海鮮鍋，用料好豐富，可以考慮下再嚟慶祝新年。
张贴
