牛涮鍋

营业中

休息中

食牛既自助火鍋而家真係好多，牛角牛陣...藍妹都記唔哂啲名啦。「牛涮鍋」，今次係藍妹第一次幫襯呢間，希望水準都唔差啦。—覺得佢隻牛logo好得意😍—我地4個人，揀左豬骨同泡菜湯底。豬骨就一定唔會伏嫁啦，泡菜估唔到都ＯＫ啵，唔會酸，有少少辣，幾惹味。—我地揀左「美國特上牛小排放題」餐，$268一個人。🤑呢個應該就係牛小排佢啲肉唔差，以為牛會比較好味，色水都比較靚，點知到左最後，覺得豬同羊最好食。😮Encore都以豬羊為主。—自助既菜式都係最常見果啲，值得一提佢既芋頭超好食，好粉！我地幾個每人都食左唔少。😆佢仲有款餃子，裡面有芫茜，本身唔食芫茜既藍妹，出奇地覺得佢好好食，忍唔住食多兩粒。😱—有個櫃仔專放甜品蛋糕仔。以藍妹既口味，淨係覺得抹茶芝士果舊好食，其他全部都好怪，唔鐘意😖—加埋一，三百蚊左右一位，個人認為偏貴，始終除左肉類，其他食材都唔係貴野。肉類亦唔係特別出色，食得飽飽，但性價比唔夠好。🤔