沙田凱悅酒店咖啡廳

营业中

休息中

估唔到平日都有咁多人入住，可能係有主題房嘅關係掛，住房係包自助早餐，八點去到餐廳被告知早餐只可享用一個鐘，即時打個突，真係第一次遇到咁嘅情況，可能餐廳地方細又多人入住掛，見到餐廳都坐滿七成人，事不疑遲，坐低後即刻走出去睇下有乜嘢食先。食物種類都算多選擇炒滑蛋好夠滑即淥粉麵只得生麵，餸就只得生菜、午餐肉粒、冬菇、咖喱魚旦同炸魚皮，每樣都要咗啲，炸魚皮就咁食就比較硬，浸淋咗後就幾好味，午餐肉頗大粒又實淨，口感非常好，冬菇炆得入味，至於個咖喱魚都好一般，生麵正常。再嚟要咗啲沙律菜同理幾款 cold cuts, 沙律菜好新鮮，但個日式芝麻醬就比較鹹，cold cuts都唔錯。最後沖咗杯 cappuccino 飲，咖啡機沖出嚟奶比較多，所以好一般。