團日式拉麵 (已結業)

呢間餐廳主要係喺門口嘅一部自助售賣機買拉麵，感覺好得意，香港好似冇乜邊間會咁做！買完之後就有職員帶你入座，我叫咗個辛味拉麵(直麵)，追加溏心蛋，仲有富士山柚子梳打。原來每碗都會有糖心蛋，唔使額外追加~除非自己想食多隻，如果醃得更入味會更好食！湯底唔算油，食落唔會好辣，係啲肉碎微微香辣，OISHI～富士山柚子梳打，樽身好靚，一開就聞到好大陣柚子味～另外朋友就叫咗櫻花蝦拉麵同埋富士山可樂，都係一樣追加咗溏心蛋。櫻花蝦好足料，灑上一大撮好脆嘅櫻花蝦，增加口感，湯底都係一樣，好掛湯！富士山可樂味道比較似可樂糖嘅味，同平時飲開嘅可樂唔同～