1
今日星期六下午去暫時都唔洗排隊，裝修是以open kitchen 半圓吧枱，座落於超市當中，有大大個霓虹燈招牌寫住Grill ,收銀位置也掛上搶眼的牛部位的圖
Menu 有好多選擇，見到餐牌價錢都好商宜由$68-和牛的$498都有，包括最大部分的當然是牛扒、還有牛舌、黑豚肉、雞扒、羊架和黑松露野菜都有。
我話喜愛牛味較重同淋身的，店員介紹食翼板，即圖中較前的三角肉部分，聽完都要問多次個名，又再望埋menu ，見200g都係$128，所以試下，再要埋套餐加$30，有無限添食的飯、沙律、湯及汽水一罐
1
2
叫完，店員先磅重再去鐵板燒一燒，再放上石燒上，送到吧枱，拎起時甚有份量，
先飲個蜆肉麵鼓湯，味道剛好，沙律是胡麻醬生椰菜片，好新鮮又清甜的椰菜。
之後都主角，平時食開牛柳，西冷，今次食翼板，非常厚身，估唔到200g都咁有份量，
切開中間有啲牛油，所以厚切再煎一煎食，好香濃牛肉味夾雜輕微牛油香味，而且非常多肉汁，好好食，質素好高。
旁邊的蒜片可配牛肉一齊食，更香口。
醬汁調味，店員介紹值得一試既自家醃製的麵鼓辣醬，大大樽放在吧枱上以為裝飾，原來有啲已醃製火年或以上，我點過，真係有啲辣。
自己較喜歡用少許岩鹽，黑椒，作調味，另外枱上還有蒜蓉、酸汁及燒汁添。
不過有時原汁原味食都已經好好食。
