饞。台式食堂 (如心廣場二期) (已結業)

如心廣場近來開咗好多新餐廳，對荃灣人來講係好消息，多啲餐廳嘅選擇!! 今次試呢間台灣野係自助形式，一入到去就要揀飲品/小菜/主菜/主食，跟住俾錢，自己搵位坐低，記得最後食完攞返個tray出去放好!! 飲品揀咗熱飲檸檬薑母茶，好大杯最後要拎走一路行一路飲，薑味濃烈好適合冬天!! 小菜揀咗泡菜同秋葵，秋葵配上胡麻醬幾好食，泡菜係自家製嘅醬顏色同平時見到嘅唔同，但都係辣辣地!! 主菜係台式糖醋魚柳配白飯，似茄汁味但味道偏酸幾開胃，但有少少覺得太多醬汁，如果醬汁可以另上就更加好，咁就唔會令到啲魚柳淋晒，魚柳係幾滑嘅亦有好多舊，幾抵食!! 朋友個主菜係紅燒燉牛腩，一樣有好多舊牛腩，份量好足，牛腩都夠軟淋，味道係偏清淡少少唔太濃烈，試咗一舊覺得幾好食!! 呢度格局似係快食，唔會坐得耐!!