咖啡亭 (已結業)

今日請人去食自助午餐，因為覺得依個場地幾新淨光猛，交通又方便。但去到發覺唔係太多選擇，不過咁平就算啦。凍食有沙律，大約有十多樣菜同豆類，但可以加橄欖油，幾種醋，同其它沙律醬。另一面就有已調好左醬既沙律同埋各種火腿，不過d火腿都頗咸。另外，刺身都係得好普通既三文魚，吞拿魚，同一兩款式壽司咁。熱食有多d，印像中有豬牛羊雞鴨魚菜同湯，基本上都唔錯，幾好味。麵包櫃內有好多種選擇，熱熱地係好食d。好似仲有即叫即炒麵，佢地又唔寫住係食乜，所以冇叫，之後見有人叫但太飽又冇試到。甜品方面都唔係太多，而且都比較細件，但係都整得好食既，最鍾意係提子乾燉蛋，鮮芒果布甸。年紀大左，真係唔可以一次過食咁多，雖然選擇唔多但起碼有一半野都冇試過，下次可能要做多完運動先去食。服務都OK，又成日幫你加暖水，收碟都頗快而有禮，我覺得唔需要一定要去五星以上既酒店，可能依間係真心做好服務。