漢和韓國料理

母親節當日，同老母2個人撐枱腳，位唔駛book喇就去士倫敦廣場搵下嘢食，因為之前要去對面redeem center換嘢。成幢嘢咁多間一定搵到嘅!

最後就搵到呢間，當晚就做緊178蚊位加一，未夠6點前入座，可以食到7點半，佢地告示都寫明就算平時2人入座都係限時1.5hr，食韓燒就唔係好夠囉。

呢間店周圍都有，其實食物都係果啲，晚市有三文魚刺身，都食得落口嘅，唔算靚囉。

辣豬肉

燒肉食材方面，最正係牛仔骨同辣豬肉，辣豬肉醃得好正，記得拎埋生菜包住食仲好。

生菜(用來包烤肉)

嘢飲有甘蔗紙包飲品都幾好，可以清下熱，仲有好多款汽水。

當日冷氣都幾大下，而且人多太嘈喇，出面夾嘢食都逼，大時大節又貴又剩真係咪搞。