影片
更多
2021-09-09
204 浏览
今日Lunch同事心血來潮話好想食板神，臨急臨忙打去訂位，好好彩比我哋訂到鐵板燒位，個view好靚，仲可以遠望山景我哋叫咗兩個Lunch set, 一個海鮮套餐，一個特選套餐。前菜都ok個餐有帶子、銀雪魚、法國鵝肝，選擇其中一款，結果我揀咗帶子。當師傅一拎上枱，我立刻心心眼，隻碟配合返粒帶子，用上貝殼外型餐具，帶子上仲加咗D魚子，提升咗帶子嘅鮮味，無論視覺抑或是味覺都係好好嘅享受鮑魚反而冇咩鮮味隻蝦真係好食嘅！除咗彈牙之外，師傅仲會將蝦頭嘅蝦膏變成醬汁，淋返上隻蝦上面，令你食每一啖都有濃濃嘅蝦味蝦頭都仲有好多膏燒野菜同厚燒牛肉，預期之內⋯正常😃食埋個炒飯都好飽喇師傅送嘅焦糖多士，睇住佢用咗好多糖去整，明知唔健康，都照食啦！不過真係外脆內軟，係好味嘅～為咗減低罪惡感，餐飲我叫咗杯齋啡成餐飯都好滿意，無論食物及服務都令我想再次幫襯
今日Lunch同事心血來潮話好想食板神，臨急臨忙打去訂位，好好彩比我哋訂到鐵板燒位，個view好靚，仲可以遠望山景
我哋叫咗兩個Lunch set, 一個海鮮套餐，一個特選套餐。
前菜都ok
個餐有帶子、銀雪魚、法國鵝肝，選擇其中一款，結果我揀咗帶子。當師傅一拎上枱，我立刻心心眼，隻碟配合返粒帶子，用上貝殼外型餐具，帶子上仲加咗D魚子，提升咗帶子嘅鮮味，無論視覺抑或是味覺都係好好嘅享受
鮑魚反而冇咩鮮味
隻蝦真係好食嘅！除咗彈牙之外，師傅仲會將蝦頭嘅蝦膏變成醬汁，淋返上隻蝦上面，令你食每一啖都有濃濃嘅蝦味
蝦頭都仲有好多膏
燒野菜同厚燒牛肉，預期之內⋯正常😃
食埋個炒飯都好飽喇
師傅送嘅焦糖多士，睇住佢用咗好多糖去整，明知唔健康，都照食啦！不過真係外脆內軟，係好味嘅～為咗減低罪惡感，餐飲我叫咗杯齋啡
成餐飯都好滿意，無論食物及服務都令我想再次幫襯
张贴
