百樂潮州美食 (已結業)

上機了，習慣是吃飽才上機，之前一晚同OR食友閒聊過，不如又試一試禁區內的幾間食肆。同太座過左海關，睇下有咩好食，之後個幾星期都係食西餐，所以我的選擇是中餐，但太座就選回垃圾餐，另文再寫。揀來揀去，來了這裡叫了個魚角米粉。其實無論麵或米粉，這裡製作都甚為「求其」，跟其價錢差不多是反比。米粉是即食米的規格，幼且纏埋一堆，水準以下；魚角反而不錯，幾彈牙，缺點是鬆鬆的，如果可以做得結實一點就更好了。這個沒包飲品的米粉要接近四十大洋，貴得令人不可以致信，絕對是地點的關係。雖然說難食，但在之後的個多星期裡，都間唔中有懷念這碗有魚角有湯的米粉呢！