Explorer Fusion Restaurant (已結業)

見完客諗住搵個地方食埋飯, 商場地鋪呢間西日fusion餐廳夠開揚, 望落環境幾舒服, 感覺唔錯.西式主要有扒類, 意粉, 仲有小食, 沙律之類.日式有刺身, 壽司, 魚生飯, 燒物等等.見餐廳有個魚生專區好pro, 一於要刺身試下先, 要左六款既"竹", 賣相非常精緻, 好似去左日本餐廳.六款刺身有海膽, 口感軟腍, 滑溜直入喉嚨, 新鮮程度不得了. 帶子食落厚肉彈牙, 非常有口感, 味道鮮甜.牡丹蝦夠大隻, 鮮甜爽口. 仲有吞拿魚腩, 三文魚腩, 油甘魚腩, 油脂非常豐富, 軟腍鮮甜, 一D都唔腥, 而且無雪藏味, 非常讚.食完刺身要番個自家沙律清一清, 有機菜好爽口, 牛油果軟腍, 飛魚子, 三文魚, 八爪魚魚生都好新鮮, 食完好清新, 好開胃.食完一輪凍既頭盤, 都要食番D熱野, 主菜要左慢煮豬鞍, 豬鞍外表煎到皮焦, 厚肉肥美, 脂肪唔算多, 但咬落好軟腍, 肉香且入味.估唔到呢D隱蔽地方都有D咁高質既餐廳, 感覺非常不錯.