1988 (已結業)

今日難得同爸爸、媽媽和爺爺黎到觀塘區，都會想去下啲工業大厦搵下好野食，所以就沿路搵到間食泰國野，立刻去試下，好好彩個日人流唔算多，所以等左五分鐘就可以入去。因為大家非常肚餓既關係，所以睇左一陣menu就決定好食咩了。首先，點左個豬頸肉，味道正常可以再煎耐一點脆少少，之後再點左蝦炒金邊粉和菠蘿炒飯，兩樣都炒得好好味，鑊氣好夠。之前點左兩碟生蝦，係我本人最喜歡其中一個前菜，不過生蝦覺得有啲細，不夠飽之後，我地決定再點一客脆脆雞，同生菜包，個雞就普通，不過個生菜包就滿足，自己一個都食左4個。仲有蒜味炒菜，正啊，好香。飲料就點左奶茶同青檸梳打，味道一般。臨走既時候，呢到個待應好好人，怕我地唔識返出去，專登帶我地出返外面坐車，非常好人。下次都會再試下🙂