銀河美食屋

营业中

休息中

估唔到呢間山旮旯嘅茶餐廳，都有傳媒報道！事實上，佢嘅吉列豬扒真係好大塊，大塊過我塊面，可以配煎蛋、豉油、茄汁、咖喱汁，各適其適，一樣嘅係都係超級大塊！連凍飲都係＄40有找！今時今日，只有做自己鋪先至可以咁樣買大包！吉列豬扒最基本就係個吉列皮，真係脆到冇朋友！就算飯面加左咖喱汁，豬扒底嘅吉列皮都冇腍，仍然脆卜卜！豬扒肉身好鬆軟，似係鬆肉粉嘅功勞，都係茶記一般嘅做法；咖喱係港式咖喱汁，茶紀傳統味道！整體來講，絕對食得過！可以話係窮人恩物，劣食之中嘅好西！正呀喂！