餓媽家姐 (已搬遷) 新店位置

之前經過已經留意到呢間新開既鋪頭，見佢個名都好有趣咁。今日黎掃街，順便試下!佢食物選擇都好多，有飽肚D既burger，腸粉。同時都有輕食，炸物等等。叫左個XO醬蛋炒腸粉，即叫即整，所以要等耐少少。食物出到黎係熱辣辣! XO醬比得好多，所有腸粉都比XO醬包住曬! 好有味。而且好夠鑊氣。腸粉做到外脆內軟，食落熱辣辣又惹味。另外，叫左款炸燒賣，主要係比佢個牌吸引到。炸燒賣有分8粒/10粒。一人食所以我叫左8粒~ 呢到有成14款醬簡! 搞到我都諗左陣，因為有好幾款都想試試，今次叫左日式明太子。炸燒賣每粒大大粒，漲卜卜，咬落去都好煙韌，個外皮就係好脆口。明太子醬都幾襯炸物，食完一粒又一粒!