滔滔甜品 (已結業)

頭先食完飯去買糖水做宵夜，叫咗(熱)腐竹馬蹄清心丸同(凍)芒果西米露，返到屋企打開準備食嘅時候發現大失所望。首先櫃檯嘅兩位年青店員顧住傾偈唔專心，明明我哋企喺門口等，包好咗就成堆外賣擺響度，你唔走去問佢哋都唔會講係咪你嘅。😑拎到返屋企發現碗腐竹馬蹄清心丸係完全係由雪櫃攞出嚟嗰種，即係完全冇翻熱過。之後，用匙羹撈咗兩下發現冇咗清心丸！😥 點呀… 希望老闆可以好好同店員傾吓，如果唔係咁樣倒米，真係會走咗好多客。